ന്യൂഡൽഹി: റിസർവ് ബാങ്ക് ഓഫ് ഇന്ത്യ പുതിയ പത്തുരൂപാ നോട്ടുകൾ പുറത്തിറക്കി. മഹാത്മാഗാന്ധി സീരീസിലുള്ള ചോക്കലേറ്റ് ബ്രൗൺ നിറത്തിലുള്ളതാണ് പുതിയ നോട്ടുകൾ. അശോകചക്രത്തിന്‍റെ ചിത്രം നോട്ടിന്റെ പിൻഭാഗത്ത് ഉൾപ്പെടുത്തിയിട്ടുണ്ട്.
നൂറുകോടി നോട്ടുകളാണ് ആദ്യഘട്ടത്തിൽ പുറത്തിക്കുകയെന്നും, നിലവിൽ പ്രചാരത്തിലുള്ള പത്തുരൂപാ നോട്ടുകൾ തുടർന്നും ഉപയോഗിക്കാമെന്നും റിസർവ് ബാങ്ക് വ്യക്തമാക്കി. 2005ൽ ഡിസൈൻ ചെയ്ത് പുറത്തിറക്കിയതാണ് നിലവിലുള്ള നോട്ടുകൾ.
