കൊച്ചി: സിബിഐയെ ഉപയോഗിച്ച് ബിജെപി സിപിഎമ്മിനെ ഇല്ലാതാക്കാന്‍ ശ്രമിക്കുകയാണെന്ന വാദവുമായി മുഖ്യമന്ത്രി പിണറായി വിജയന്‍. സിബിഐ കേന്ദ്രത്തിന്റെ നിര്‍ദേശപ്രകാരം പ്രവര്‍ത്തിക്കുന്ന അന്വേഷണ ഏജന്‍സിയായി മാറിയെന്നും പയ്യോളി മനോജ് വധക്കേസില്‍ പാര്‍ട്ടി നേതാക്കളെ അറസ്റ്റ് ചെയ്തത് ഇതിന് തെളിവെന്നും അദ്ദേഹം പറഞ്ഞു.
സി പി ഐ (എം) നെ ഇല്ലാതാക്കാനുള്ള രാഷ്ട്രീയ ആയുധമായി ബിജെപി സിബിഐ യെ
ഉപയോഗിക്കുകയാണെന്നും രാജ്യത്ത് ദളിതര്‍ക്കും മത ന്യൂനപക്ഷങ്ങള്‍ക്കും എതിരായ അക്രമങ്ങള്‍ വര്‍ധിക്കുകയാണെന്നും അദ്ദേഹം ആരോപിച്ചു. കൊയിലാണ്ടിയില്‍ നടന്ന കോഴിക്കോട് ജില്ല സമ്മേളനത്തിന്റെ സമാപാന റാലി ഉദ്ഘാടനം ചെയ്ത് സംസാരിക്കുകയായിരുന്നു പിണറായി വിജയന്‍.
