ശ്രീനഗർ: ജമ്മു കാഷ്മീരിലെ പാംപോറിലുണ്ടായ ഭീകരാക്രമണത്തിൽ അഞ്ച് ജവാന്മാർക്ക് വീരമൃത്യു. ഭീകരരുമായി ഏറ്റുമുട്ടുന്നതിനിടെയാണ് ഇവർക്ക് ജീവൻ നഷ്ടപ്പെട്ടത്. ഏറ്റുമുട്ടലിൽ രണ്ട് ഭീകരെ സൈന്യം വധിക്കുകയും ചെയ്തു. സംഭവത്തിൽ രണ്ട് സൈനികർക്ക് പരിക്കേൽക്കുകയും ചെയ്തിട്ടുണ്ട്.
സ്ഥലത്ത് ഇപ്പോഴും ഭീകരർ ഒളിച്ചിരിപ്പുണ്ടെന്നാണ് വിവരം. ഇവർക്കായുള്ള തെരച്ചിൽ തുടരുകയാണ്. ഞായറാഴ്ച പുൽവാമയിലും ഭീകരർ ആക്രമണം നടത്തിയിരുന്നു. ഈ ആക്രമണത്തിലും അഞ്ച് സൈനികർ വീരമൃത്യുവരിച്ചിരുന്നു.
