ഭാര്യയുടെയും ഭാര്യവീട്ടുകാരുടെയും പീഡനത്തെ തുടര്‍ന്നു യുവാവ് സെല്‍ഫി വീഡിയോ ഓണ്‍ ചെയ്തു വച്ച് ആത്മഹത്യ ചെയ്തു.മലപ്പുറത്താണ് സംഭവം .രോഗിയായ അമ്മയെ ചികിത്സിക്കാനായി അമ്മയ്‌ക്കൊപ്പമായിരുന്നു യുവാവ് നിന്നിരുന്നത്. എന്നാല്‍ മറ്റൊരു വീടെടുത്തു താമസിക്കാന്‍ ഭാര്യ ഇയാളെ നിര്‍ബന്ധിക്കാറുണ്ടായിരുന്നു. ഇതിനേ ചൊല്ലി ഇരുവരും തമ്മില്‍ കലഹിക്കാറുമുണ്ടായിരുന്നു. ഇതേ തുടര്‍ന്നു ഭാര്യ ഒരു വയസുള്ള മകനേയും കൂട്ടി സ്വന്തം വീട്ടിലേയ്ക്കു പോകുകയായിരുന്നു.തന്റെ മകനു താനില്ലാതെ ജീവിക്കാന്‍ പറ്റില്ലെന്നും കുട്ടിയെ ഭാര്യ വീട്ടുകാര്‍ ബലമായി കൈവശം വച്ചിരിക്കുകയാണ് എന്നും ഇയാ ള്‍ വീഡിയോയില്‍ പറയുന്നു.
ഭാര്യയുടെ പരാതിയില്‍ പോലീസ് പീഡിപ്പിച്ചു എന്നു യുവാവ് വീഡിയോയില്‍ ആരോപിച്ചിരുന്നു.ഭാര്യയുടെ മാതാപിതാക്കള്‍ യുവാവിനോടു മറ്റൊരു വീട് എടുത്തു താമസിക്കാന്‍ നിര്‍ബന്ധിക്കുകയായിരുന്നു. എന്നാല്‍ യുവാവ് ഇതിനു തയാറായില്ല. ഇതോടെ ഭാര്യ ഇയാള്‍ക്കെതിരെ ഗാര്‍ഹിക പീഡനത്തിനു പരാതി നല്‍കുകയായിരുന്നു. ഇതേ തുടര്‍ന്നു പോലീസ് ഇയാളെ കസ്റ്റഡയില്‍ എടുത്തു ക്രൂരമായി മര്‍ദ്ദിക്കുകയും മറ്റൊരു വീടെടുത്തു താമസിക്കാന്‍ നിര്‍ബന്ധിക്കുകയും ചെയ്തതായി ഇയാള്‍ വീഡിയോയില്‍ പറഞ്ഞു.
